یہ چھپکے کا جو بالا کان میں اب تم نے ڈالا ہے
اسی بالے کی دولت سے تمہارا بول بالا ہے
Ye chhapke ka jo bala kaan mein ab tum ne dala hai
Isi bale ki daulat se tumhara bol-bala hai
یہ دل کیوں کر نگہ سے اس کی چھدتے ہیں میں حیراں ہوں
نہ خنجر ہے نہ نشتر ہے نہ جمدھر ہے نہ بھالا ہے
Ye dil kyun kar nigah se us ki chhidte hain main hairan hun
Na khanjar hai na nashtar hai na jamdhar hai na bhala hai
نہ غول آتا ہے خوباں کا سرک اے دل میں کہتا ہوں
یہ کمپو کی نہیں پلٹن یہ پریوں کا رسالا ہے
Na ghol aata hai khuban ka sarak ae dil main kehta hun
Ye kampu ki nahin paltan ye pariyon ka risala hai
جسے تم لے کے بیدردی سے پاؤں میں کچلتے ہو
یہ دل میں نے تو اے صاحب بڑی محنت سے پالا ہے
Jise tum le ke be-dardi se paon mein kuchalte ho
Ye dil main ne to ae sahib badi mehnat se pala hai
نظیرؔ اک اور لکھ ایسی غزل جو سن کے جی خوش ہو
اری اس ڈھب کی باتوں نے تو دل میں شور ڈالا ہے
Nazir ek aur likh aisi ghazal jo sun ke ji khush ho
Ari is dhab ki baton ne to dil mein shor dala hai
