بیٹھو یاں بھی کوئی پل کیا ہوگا
ہم بھی عاشق ہیں خلل کیا ہوگا
Baitho yaan bhi koi pal kya hoga
Hum bhi ashiq hain khalal kya hoga
دل ہی ہو سکتا ہے اور اس کے بغیر
جان من دل کا بدل کیا ہوگا
Dil hi ho sakta hai aur us ke baghair
Jan-e-man dil ka badal kya hoga
حسن کے ناز اٹھانے کے سوا
ہم سے اور حسن عمل کیا ہوگا
Husn ke naz uthane ke siwa
Hum se aur husn-e-amal kya hoga
کل کا اقرار جو میں کر کے اٹھا
بولا بیٹھ اور بھی چل کیا ہوگا
Kal ka iqrar jo main kar ke utha
Bola baith aur bhi chal kya hoga
تو جو کل آنے کو کہتا ہے نظیرؔ
تجھ کو معلوم ہے کل کیا ہوگا
Tu jo kal aane ko kehta hai Nazir
Tujh ko malum hai kal kya hoga
