یک بہ یک ہوگی سیاہی اس قدر جاتی رہی
کیا کہیں گویا سیاہی یک سر مو بھی نہ تھی
Yak-ba-yak hogi siyahi is qadar jaati rahi
Kya kahen goya siyahi yak sar-e-mu bhi na thi
گو سفیدی مو کی یوں روشن ہے جوں آب حیات
لیکن اپنی تو اسی ظلمات سے تھی زندگی
Go safedi mu ki yun raushan hai jun aab-e-hayat
Lekin apni to isi zulmat se thi zindagi
دم بدم بزم سرور و ہر گھڑی سیر چمن
عشرت و عیش و نشاط و خرمی و تازگی
Dam-ba-dam bazm-e-surur-o-har ghadi sair-e-chaman
Ishrat-o-aish-o-nishat-o-khurrami-o-tazgi
خندۂ شادی سے ہرگز لب نہ ہوتے تھے بہم
ساغر و مینا سرود و رقص و خوش طبعی ہنسی
Khanda-e-shadi se hargiz lab na hote the baham
Saghar-o-mina surud-o-raqs-o-khush-tabai hansi
گل بدن کرتے تھے کس کس طور اظہار اشتیاق
غنچہ لب ملتے تھے سو سو دل میں رکھ کر بے کلی
Gul-badan karte the kis kis taur izhar-e-ishtiyaq
Ghuncha-lab milte the sau sau dil mein rakh kar be-kali
جس طرف تھے دیکھتے عیش و طرب کا جوش تھا
مستی و رندی ہوس بازی و بے اندیشگی
Jis taraf the dekhte aish-o-tarab ka josh tha
Masti-o-rindi hawas-bazi-o-be-andeshgi
آن کر مو کی سفیدی نے یہ کیں بربادیاں
کھول دیں جتنی بندھیں تھیں وہ ہوائیں عیش کی
Aan kar mu ki safedi ne ye kin barbadiyan
Khol din jitni bandhin thin wo hawaen aish ki
قد میں خم آنکھوں میں نم چہرے پہ جھری رنگ زرد
سر سے پا تک سخت ناخوش منظری بد ہیئتی
Qad mein kham aankhon mein nam chehre pe jhurri rang zard
Sar se pa tak sakht na-khush manzari bad-haiyati
کیا تماشے انقلاب چرخ کے کہئے نظیرؔ
دم میں وہ رونق تھی اور ایک دم میں یہ بے رونقی
Kya tamashe inqilab-e-charkh ke kahiye Nazir
Dam mein wo raunaq thi aur ek dam mein ye be-raunaqi
