مجھے اس جھمک سے آیا نظر اک نگار رعنا
کہ خور اس کے حسن رخ کو لگا تکنے ذرہ آسا
Mujhe is jhamak se aaya nazar ik nigar-e-rana
Ki khur us ke husn-e-rukh ko laga takne zarra-asa
پڑی رخ پہ زلف پر خم مسی رشک رنگ نیلم
غرض اس طرح کا عالم کہ پری کہے اہا ہا
Padi rukh pe zulf-e-pur-kham missi rashk-e-rang-e-nilam
Gharaz is tarah ka aalam ki pari kahe aha ha
کہا ہم نے اے سمن بر پری چہرہ مہر پیکر
جو چلی ہو یوں جھمک کر کہو عزم ہے کدھر کا
Kaha hum ne ai saman-bar pari-chehra mehr-paikar
Jo chali ho yun jhamak kar kaho azm hai kidhar ka
ہے یہ وقت سیر بستاں پھلیں ہم بھی ساتھ اے جاں
کہا سن کے یہ ارے میاں کوئی تم بھی ہو تماشا
Hai ye waqt-e-sair-e-bustan phalen hum bhi saath ai jaan
Kaha sun ke ye are miyan koi tum bhi ho tamasha
ہے یہ آشنائی اگلی نہ شناخت اک دو دن کی
جو ہے دل دہی کی مرضی تو ہے لوچ پھر یہ کیسا
Hai ye aashnai agli na shanakht ik do din ki
Jo hai dil-dihi ki marzi to hai loch phir ye kaisa
کہا جب نظیرؔ ہم نے یہی دل ہیں ہم تو رکھتے
تو کہا جو نیکی ہووے تو پھر اس کا پوچھنا کیا
Kaha jab Nazir hum ne yahi dil hain hum to rakhte
To kaha jo neki howe to phir us ka poochhna kya
