ٹک ہونٹ ہلاؤں تو یہ کہتا ہے نہ بک بے
اور پاس جو بیٹھوں تو سناتا ہے سرک بے
Tuk hont hilaun to ye kehta hai na bak be
Aur paas jo baithun to sunata hai sarak be
کہتا ہوں کبھی گھر میں مرے آ تو ہے کہتا
چوکھٹ پہ ہماری کوئی دن سر تو پٹک بے
Kehta hun kabhi ghar mein mere aa to hai kehta
Chaukhat pe hamari koi din sar to patak be
جب بدر نکلتا ہے تو کہتا ہے وہ مغرور
کہہ دو اسے یاں آن کے اتنا نہ چمک بے
Jab badr nikalta hai to kehta hai wo maghrur
Keh do use yaan aan ke itna na chamak be
پردہ جو الٹ دوں گا ابھی منہ سے تو دم میں
اڑ جائے گی چہرے کی ترے سب یہ جھمک بے
Parda jo ulat dunga abhi munh se to dam mein
Ud jayegi chehre ki tere sab ye jhamak be
سب بانکپن اب تیرا نظیرؔ عشق نے کھویا
کیا ہو گئی سچ کہہ وہ تیری دوت دبک بے
Sab bankpan ab tera Nazir ishq ne khoya
Kya ho gayi sach keh wo teri daut-dabak be
