سنئے اے جاں کبھی اسیر کی عرض
اپنے کوچے کے جا پذیر کی عرض
Suniye ai jaan kabhi asir ki arz
Apne kooche ke ja-pazir ki arz
چھد گیا دل زباں تلک آتے
ہم نے جب کی نگہ کے تیر کی عرض
Chhid gaya dil zaban talak aate
Hum ne jab ki nigah ke tir ki arz
اس گھڑی کھلکھلا کے ہنس دیجے
ہے یہی اب تو کہنہ پیر کی عرض
Is ghadi khilkhila ke hans dije
Hai yahi ab to kuhna pir ki arz
جب تو اس گل بدن شکر لب نے
یوں کہا سن کے اس حقیر کی عرض
Jab to us gul-badan shakar-lab ne
Yun kaha sun ke is haqir ki arz
اب تلک دھن ہے حسن دنداں کی
دیکھ اس پوپلے نظیرؔ کی عرض
Ab talak dhun hai husn-e-dandan ki
Dekh is popale Nazir ki arz
