پایا مزا یہ ہم نے اپنی نگہ لڑی کا
جو دیکھنا پڑا ہے غصہ گھڑی گھڑی کا
Paya maza ye hum ne apni nigah-ladi ka
Jo dekhna pada hai ghussa ghadi ghadi ka
عقدہ تو نازنیں کے ابرو کا ہم نے کھولا
اب کھولنا ہے اس کی خاطر کی گل جھڑی کا
Uqda to nazanin ke abru ka hum ne khola
Ab kholna hai us ki khatir ki gul-jhadi ka
اس رشک مہ کے آگے کیا قدر ہے پری کی
کب پہنچے حسن اس کو ایسی گری پڑی کا
Is rashk-e-mah ke aage kya qadr hai pari ki
Kab pahunche husn us ko aisi giri padi ka
اس گل بدن نے ہنس کر اک لے کے شاخ نسریں
ہم سے کہا کہ کیجے کچھ وصف اس چھڑی کا
Us gul-badan ne hans kar ik le ke shakh-e-nasrin
Hum se kaha ki kije kuchh wasf is chhadi ka
جب ہم نظیرؔ بولے اے جاں یہ وہ چھڑی ہے
دل ٹوٹتا ہے جس پر جوں پھول پنکھڑی کا
Jab hum Nazir bole ai jaan ye wo chhadi hai
Dil tootta hai jis par jun phool pankhadi ka
