محفل میں ہم تھے اس طرف وہ شوخ چنچل اس طرف
تھی سادہ لوحی اس طرف مکر و فسوں چھل اس طرف
Mehfil mein hum the is taraf wo shokh chanchal us taraf
Thi sada-lauhi is taraf makr-o-fusun chhal us taraf
بیٹھے ہم اپنے دھیان میں بیٹھا وہ اپنی آن میں
فکر نظارہ اس طرف مکھڑے پر آنچل اس طرف
Baithe hum apne dhyan mein baitha wo apni aan mein
Fikr-e-nazara is taraf mukhde par aanchal us taraf
کیا کیا دکھاتی ہے الم کیا کیا رکھے ہے پیچ و خم
آہوں کی شورش اس طرف زلف مسلسل اس طرف
Kya kya dikhati hai alam kya kya rakhe hai pech-o-kham
Aahon ki shorish is taraf zulf-e-musalsal us taraf
ہم دے کے دل ہیں رنج کش وہ لے کے دل ہے جی میں خوش
بے تابیٔ جاں اس طرف راحت خوشی کل اس طرف
Hum de ke dil hain ranj-kash wo le ke dil hai ji mein khush
Be-tabi-e-jaan is taraf rahat khushi kal us taraf
آج اس سے ملنے کو نظیرؔ احوال ہے دل کا عجب
ہم کھینچتے ہیں اس طرف کہتا ہے وہ چل اس طرف
Aaj us se milne ko Nazir ahwal hai dil ka ajab
Hum khenchte hain is taraf kahta hai wo chal us taraf
