کیوں نہ ہو بام پہ وہ جلوہ نما تیسرے دن
ماہ بھی چھپ کے نکلتا ہے دلا تیسرے دن
Kyun na ho baam pe wo jalwa-numa teesre din
Mah bhi chhup ke nikalta hai dila teesre din
غرق دریائے محبت کی نہیں ملتی لاش
ورنہ ڈوبا ہوا نکلے ہے سنا تیسرے دن
Gharq-e-darya-e-mohabbat ki nahin milti laash
Warna dooba hua nikle hai suna teesre din
دل بیمار رہے عشق میں کیوں کر سر سبز
خاک سے دانے کو ہے نشو و نما تیسرے دن
Dil-e-bimar rahe ishq mein kyun kar sar-sabz
Khaak se dane ko hai nashw-o-numa teesre din
چھوڑ مت زلف کے مارے کو تو دریا میں ہنوز
سانپ کے کاٹے کو دیتے ہیں بہا تیسرے دن
Chhod mat zulf ke mare ko tu darya mein hanoz
Saanp ke kate ko dete hain baha teesre din
اب ذرا چشم کے بیمار کا کر اپنے علاج
ہوتی معلوم ہے تاثیر دوا تیسرے دن
Ab zara chashm ke bimar ka kar apne ilaj
Hoti maloom hai taasir-e-dawa teesre din
لوگ کہتے ہیں کہ ہیں پھول ترے کشتے کے
مہندی ہاتوں میں تو قاتل لگا تیسرے دن
Log kahte hain ki hain phool tire kushte ke
Mehndi hathon mein tu qatil laga teesre din
عمر اک ہفتہ نہیں باغ میں اے گل مت پھول
رنگ بدلے ہے زمانے کی ہوا تیسرے دن
Umr ik hafta nahin bagh mein ai gul mat phool
Rang badle hai zamane ki hawa teesre din
