کسی نے رات کہا اس کی دیکھ کر صورت
کہ میں غلام ہوں اس شکل کا بہر صورت
Kisi ne raat kaha us ki dekh kar surat
Ki main ghulam hun is shakl ka ba-har surat
ہیں آئنے کے بھی کیا طالع اب سکندر واہ
کہ اس نگار کی دیکھے ہے ہر سحر صورت
Hain aaine ke bhi kya tale ab Sikandar wah
Ki us nigar ki dekhe hai har sahar surat
عجب بہار ہوئی کل تو وقت نظارہ
جو میں ادھر کو ہوا اس نے کی ادھر صورت
Ajab bahar hui kal to waqt-e-nazzara
Jo main idhar ko hua us ne ki udhar surat
ادھر کو جب میں گیا اس نے لی ادھر کو پھیر
پھرا میں اس نے پھرائی جدھر جدھر صورت
Idhar ko jab main gaya us ne li udhar ko pher
Phira main us ne phirai jidhar jidhar surat
ہزاروں پھرتیاں میں نے تو کیں پر اس نے نظیرؔ
نہ دیکھنے دی مجھے اپنی آنکھ بھر صورت
Hazaron phurtiyan main ne to kin par us ne Nazir
Na dekhne di mujhe apni aankh bhar surat
