کھلے گل سبزہ نزہت بار ہے کیا کیا بہاریں ہیں
صبا ہے رنگ و بو ہے یار ہے کیا کیا بہاریں ہیں
Khile gul sabza nuzhat-bar hai kya kya baharen hain
Saba hai rang-o-bu hai yaar hai kya kya baharen hain
ہجوم ابر ہے چمکے ہے برق اور مینہ برستا ہے
نشہ ہے تازگی ہے یار ہے کیا کیا بہاریں ہیں
Hujum-e-abr hai chamke hai barq aur menh barasta hai
Nasha hai tazgi hai yaar hai kya kya baharen hain
صدائے بلبلاں ہے آب جو ہے صحن گلشن ہے
سمن ہے سرو ہے گلنار ہے کیا کیا بہاریں ہیں
Sada-e-bulbulan hai aab-e-ju hai sahn-e-gulshan hai
Saman hai sarv hai gulnar hai kya kya baharen hain
نظیرؔ اب عیش کی پیتا ہے مے ہر دم یہ کہہ کہہ کر
چمن ہے گل ہے گل رخسار ہے کیا کیا بہاریں ہیں
Nazir ab aish ki pita hai mai har dam ye kah kah kar
Chaman hai gul hai gul-rukhsar hai kya kya baharen hain
