تو بدھیا لادے بیل بھرے جو پورب پچھم جاوے گا
یا سود بڑھا کر لاوے گا یا ٹوٹا گھاٹا پاوے گا
قزاق اجل کا رستے میں جب بھالا مار گراوے گا
دھن دولت ناتی پوتا کیا اک کنبہ کام نہ آوے گا
سب ٹھاٹھ پڑا رہ جاوے گا جب لاد چلے گا بنجارا
Tu badhiya lade bail bhare jo purab pachchham jawega
Ya sood badha kar lawega ya tota ghata pawega
Qazzaq-e-ajal ka raste mein jab bhala maar girawega
Dhan daulat nati pota kya ik kunba kaam na aawega
Sab thaath pada rah jawega jab laad chalega banjara
ہر منزل میں اب ساتھ ترے یہ جتنا ڈیرا ڈانڈا ہے
زر دام درم کا بھانڈا ہے بندوق سپر اور کھانڈا ہے
جب نایک تن کا نکل گیا جو ملکوں ملکوں ہانڈا ہے
پھر ہانڈا ہے نہ بھانڈا ہے نہ حلوا ہے نہ مانڈا ہے
سب ٹھاٹھ پڑا رہ جاوے گا جب لاد چلے گا بنجارا
Har manzil mein ab saath tire ye jitna dera danda hai
Zar dam diram ka bhanda hai banduq sipar aur khanda hai
Jab nayak tan ka nikal gaya jo mulkon mulkon handa hai
Phir handa hai na bhanda hai na halwa hai na manda hai
Sab thaath pada rah jawega jab laad chalega banjara
جب چلتے چلتے رستے میں یہ گون تری رہ جاوے گی
اک بدھیا تیری مٹی پر پھر گھاس نہ چرنے آوے گی
یہ کھیپ جو تو نے لادی ہے سب حصوں میں بٹ جاوے گی
دھی پوت جنوائی بیٹا کیا بنجارن پاس نہ آوے گی
سب ٹھاٹھ پڑا رہ جاوے گا جب لاد چلے گا بنجارا
Jab chalte chalte raste mein ye gon tiri rah jawegi
Ik badhiya teri mitti par phir ghaas na charne aawegi
Ye khep jo tu ne ladi hai sab hisson mein bat jawegi
Dhi poot jamai beta kya banjaran paas na aawegi
Sab thaath pada rah jawega jab laad chalega banjara
یہ کھیپ بھرے جو جاتا ہے یہ کھیپ میاں مت گن اپنی
اب کوئی گھڑی پل ساعت میں یہ کھیپ بدن کی ہے کفنی
کیا تھال کٹوری چاندی کی کیا پیتل کی ڈبیا ڈھکنی
کیا برتن سونے چاندی کے کیا مٹی کی ہنڈیا چینی
سب ٹھاٹھ پڑا رہ جاوے گا جب لاد چلے گا بنجارا
Ye khep bhare jo jata hai ye khep miyan mat gin apni
Ab koi ghadi pal saat mein ye khep badan ki hai kafni
Kya thaal katori chandi ki kya pital ki dibiya dhakni
Kya bartan sone chandi ke kya mitti ki handiya chini
Sab thaath pada rah jawega jab laad chalega banjara
یہ دھوم دھڑکا ساتھ لیے کیوں پھرتا ہے جنگل جنگل
اک تنکا ساتھ نہ جاوے گا موقوف ہوا جب ان اور جل
گھر بار اٹاری چوپاری کیا خاصا نین سکھ اور ململ
چلون پردے فرش نئے کیا لال پلنگ اور رنگ محل
سب ٹھاٹھ پڑا رہ جاوے گا جب لاد چلے گا بنجارا
Ye dhoom dhadka saath liye kyun phirta hai jangal jangal
Ik tinka saath na jawega mauquf hua jab ann aur jal
Ghar baar atari chaupari kya khasa nainsukh aur malmal
Chilman parde farsh naye kya lal palang aur rang-mahal
Sab thaath pada rah jawega jab laad chalega banjara
کچھ کام نہ آوے گا تیرے یہ لعل و زمرد سیم و زر
جب پونجی باٹ میں بکھرے گی ہر آن بنے گی جان اوپر
نوبت نقارے بان نشان دولت حشمت فوجیں لشکر
کیا مسند تکیہ ملک مکاں کیا چوکی کرسی تخت چھتر
سب ٹھاٹھ پڑا رہ جاوے گا جب لاد چلے گا بنجارا
Kuchh kaam na aawega tere ye lal-o-zumurrud sim-o-zar
Jab punji baat mein bikhregi har aan banegi jaan upar
Naubat naqqare ban nishan daulat hashmat faujen lashkar
Kya masnad takiya mulk makan kya chauki kursi takht chhatar
Sab thaath pada rah jawega jab laad chalega banjara
کیوں جی پر بوجھ اٹھاتا ہے ان گونوں بھاری بھاری کے
جب موت کا ڈیرا آن پڑا پھر دونے ہیں بیوپاری کے
کیا ساز جڑاؤ زر زیور کیا گوٹے تھان کناری کے
کیا گھوڑے زین سنہری کے کیا ہاتھی لال عماری کے
سب ٹھاٹھ پڑا رہ جاوے گا جب لاد چلے گا بنجارا
Kyun ji par bojh uthata hai in gonon bhari bhari ke
Jab maut ka dera aan pada phir done hain byopari ke
Kya saaz jadau zar zewar kya gote thaan kinari ke
Kya ghode zin sunahri ke kya hathi lal amari ke
Sab thaath pada rah jawega jab laad chalega banjara
مفرور نہ ہو تلواروں پر مت پھول بھروسے ڈھالوں کے
سب پٹا توڑ کے بھاگیں گے منہ دیکھ اجل کے بھالوں کے
کیا ڈبے موتی ہیروں کے کیا ڈھیر خزانے مالوں کے
کیا بغچے تاش مشجر کے کیا تختے شال دوشالوں کے
سب ٹھاٹھ پڑا رہ جاوے گا جب لاد چلے گا بنجارا
Maghrur na ho talwaron par mat phool bharose dhalon ke
Sab patta tod ke bhagenge munh dekh ajal ke bhalon ke
Kya dabbe moti hiron ke kya dher khazane malon ke
Kya bughche taash mushajjar ke kya takhte shal dushalon ke
Sab thaath pada rah jawega jab laad chalega banjara
کیا سخت مکاں بنواتا ہے خم تیرے تن کا ہے پولا
تو اونچے کوٹ اٹھاتا ہے واں گور گڑھے نے منہ کھولا
کیا رینی خندق رند بڑے کیا برج کنگورا انمولا
گڑھ کوٹ رہکلہ توپ قلعہ کیا شیشہ دارو اور گولا
سب ٹھاٹھ پڑا رہ جاوے گا جب لاد چلے گا بنجارا
Kya sakht makan banwata hai kham tere tan ka hai pola
Tu unche kot uthata hai waan gor gadhe ne munh khola
Kya raini khandaq rund bade kya burj kangura anmola
Gadh kot rahkala top qila kya shisha daru aur gola
Sab thaath pada rah jawega jab laad chalega banjara
