کہتے ہیں یاں کہ مجھ سا کوئی مہ جبیں نہیں
پیارے جو ہم سے پوچھو تو یاں کیا کہیں نہیں
Kahte hain yaan ki mujh sa koi mah-jabin nahin
Pyare jo hum se poochho to yaan kya kahin nahin
ساقی کو جام دینے میں اس خوش نگہ کو آہ
ہر دم اشارتیں ہیں کہ اس کے تئیں نہیں
Saqi ko jaam dene mein us khush-nigah ko aah
Har dam isharaten hain ki us ke taeen nahin
جب اس نہیں کے کہنے سے مانے ہے وہ برا
آپھی پھر اس کو کہتا ہوں ہنس کر نہیں نہیں
Jab us nahin ke kahne se mane hai wo bura
Aap hi phir us ko kahta hoon hans kar nahin nahin
اتنا تو چھیڑتا ہوں کہ کہتا ہے جب وہ شوخ
بندہ تو میرا مول خریدا نہیں نہیں
Itna to chhedta hoon ki kahta hai jab wo shokh
Banda to mera mol kharida nahin nahin
ساقی تجھے قسم ہے دیے جا مجھے تو جام
یاں دم میں دم ہے ہوتی نہیں جب نہیں نہیں
Saqi tujhe qasam hai diye ja mujhe to jaam
Yaan dam mein dam hai hoti nahin jab nahin nahin
پوچھے ہے اس سے جب کوئی قتل نظیرؔ کو
کہتا ہے ہم نے مارا ہے ہاں ہاں نہیں نہیں
Poochhe hai us se jab koi qatl-e-Nazir ko
Kahta hai hum ne mara hai haan haan nahin nahin
