کہا یہ آج ہمیں فہم نے سنو صاحب
یہ باغ دہر غنیمت ہے دیکھ لو صاحب
Kaha ye aaj hamen fahm ne suno sahib
Ye bagh-e-dahr ghanimat hai dekh lo sahib
جو رنگ و بو کے اٹھانے میں حظ اٹھا لیجے
مبادا پھر کف افسوس کو ملو صاحب
Jo rang-o-bu ke uthane mein hazz utha lijiye
Mabada phir kaf-e-afsos ko malo sahib
یہ وہ چمن ہے نہیں ایک سے نہیں جس میں
تبدل اس کا ہر اک گل سے سوچ لو صاحب
Ye wo chaman hai nahin ek se nahin jis mein
Tabaddul is ka har ik gul se soch lo sahib
کہ تھا جو صبح شگفتہ نہ تھا وہ شام کے وقت
جو شام تھا سو نہ دیکھا وہ صبح کو صاحب
Ki tha jo subh shagufta na tha wo sham ke waqt
Jo sham tha so na dekha wo subh ko sahib
پس اس مثال سے ظاہر ہے یہ سخن یعنی
اسی طریق سے عالم میں تم بھی ہو صاحب
Pas is misal se zahir hai ye sukhan yani
Isi tariq se aalam mein tum bhi ho sahib
جو سر نوشت ہے ہوگا اسی طرح سے نظیرؔ
قضا قضا نہیں ہونے کی کچھ کرو صاحب
Jo sar-nawisht hai hoga isi tarah se Nazir
Qaza qaza nahin hone ki kuchh karo sahib
