جھمک دکھاتے ہی اس دل ربا نے لوٹ لیا
ہمیں تو پہلے ہی اس کی ادا نے لوٹ لیا
Jhamak dikhate hi us dilruba ne lut liya
Hamen to pehle hi us ki ada ne lut liya
وفا جفا نے یہ کی جنگ زر گری ہم سے
وفا نے باتوں لگایا جفا نے لوٹ لیا
Wafa jafa ne ye ki jang-e-zargari hum se
Wafa ne baton lagaya jafa ne lut liya
لٹے ہم اس کی گلی میں تو یوں پکارے لوگ
کہ اک فقیر کو اک بادشا نے لوٹ لیا
Lute hum us ki gali mein to yun pukare log
Ki ek faqir ko ek badsha ne lut liya
ہزاروں قافلے جس شوخ نے کیے غارت
نظیرؔ کو بھی اسی بے وفا نے لوٹ لیا
Hazaron qafile jis shokh ne kiye gharat
Nazir ko bhi usi be-wafa ne lut liya
