جب اس کی زلف کے حلقے میں ہم اسیر ہوئے
شکن کے عادی ہوئے خم کے خو پذیر ہوئے
Jab us ki zulf ke halqe mein hum asir hue
Shikan ke aadi hue kham ke khu-pazir hue
خدنگ وار جو غمزے تھے اس کے چھٹپن میں
پر اب نظر میں جو آئے تو رشک تیر ہوئے
Khadang-war jo ghamze the us ke chhutpan mein
Par ab nazar mein jo aaye to rashk-e-tir hue
جھڑک دیا ہمیں کوچے میں اس نے ہر دم دیکھ
ہم اپنے دل میں کچھ اس دم خجل کثیر ہوئے
Jhidak diya hamen kooche mein us ne har dam dekh
Hum apne dil mein kuchh us dam khajil kasir hue
جو گاہ گاہ ادھر جاتے ہم تو رہتی قدر
گھڑی گھڑی جو گئے اس سبب حقیر ہوئے
Jo gaah gaah idhar jaate hum to rahti qadr
Ghadi ghadi jo gaye is sabab haqir hue
نگہ کے لڑتے ہی ہنس کر کہا نظیرؔ اس نے
یہ باتیں چھوڑ دو کچھ سمجھو اب تو پیر ہوئے
Nigah ke ladte hi hans kar kaha Nazir us ne
Ye baaten chhod do kuchh samjho ab to pir hue
