جب اس کا ادھر ہم گزر دیکھتے ہیں
تو کر دل میں کیا کیا حذر دیکھتے ہیں
Jab us ka idhar hum guzar dekhte hain
To kar dil mein kya kya hazar dekhte hain
ادھر تیر چلتے ہیں ناز و ادا کے
ادھر اپنا سینہ سپر دیکھتے ہیں
Idhar teer chalte hain naz-o-ada ke
Idhar apna sina sipar dekhte hain
ستم ہے کن انکھیوں سے گر تاک لیجے
غضب ہے اگر آنکھ بھر دیکھتے ہیں
Sitam hai kan-ankhiyon se gar taak lije
Ghazab hai agar aankh bhar dekhte hain
نہ دیکھیں تو یہ حال ہوتا ہے دل کا
کہ سو سو تڑپ کے اثر دیکھتے ہیں
Na dekhen to ye haal hota hai dil ka
Ki sau sau tadap ke asar dekhte hain
جو دیکھیں تو یہ جی میں گزرے ہے خطرہ
ابھی سر اڑے گا اگر دیکھتے ہیں
Jo dekhen to ye ji mein guzre hai khatra
Abhi sar udega agar dekhte hain
مگر اس طرح دیکھتے ہیں کہ اس پر
یہ ثابت نہ ہو جو ادھر دیکھتے ہیں
Magar is tarah dekhte hain ki us par
Ye sabit na ho jo idhar dekhte hain
