ہوئے خوش ہم ایک نگار سے ہوئے شاد اس کی بہار سے
کبھی شان سے کبھی آن سے کبھی ناز سے کبھی پیار سے
Hue khush hum ek nigar se hue shad us ki bahar se
Kabhi shan se kabhi aan se kabhi naz se kabhi pyar se
ہوئی پیرہن سے بھی خوش دلی کلی دل کی اور بہت کھلی
کبھی طرے سے کبھی گجرے سے کبھی بدھی سے کبھی ہار سے
Hui pairahan se bhi khush-dili kali dil ki aur bahut khili
Kabhi turre se kabhi gajre se kabhi buddhi se kabhi haar se
وہ کناری ان میں جو تھی گندھی اسے دیکھ کر بھی ہوئی خوشی
کبھی نور سے کبھی لہر سے کبھی تاب سے کبھی تار سے
Wo kinari un mein jo thi gundhi use dekh kar bhi hui khushi
Kabhi nur se kabhi lahr se kabhi tab se kabhi taar se
گئے اس کے ساتھ چمن میں ہم تو گلوں کو دیکھ کے خوش ہوئے
کبھی سرو سے کبھی نہر سے کبھی برگ سے کبھی بار سے
Gaye us ke saath chaman mein hum to gulon ko dekh ke khush hue
Kabhi sarv se kabhi nahr se kabhi barg se kabhi baar se
وہ نظیرؔ سے تو ملا کیا مگر اپنی وضع نیں اس طرح
کبھی جلد سے کبھی دیر سے کبھی لطف سے کبھی عار سے
Wo Nazir se to mila kiya magar apni waza nin is tarah
Kabhi jald se kabhi der se kabhi lutf se kabhi aar se
