ہوں تیرے تصور میں مری جاں ہمہ تن چشم
دل ہے مرا جوں آئینہ حیراں ہمہ تن چشم
Hun tere tasavvur mein miri jaan hama-tan chashm
Dil hai mira jun aaina hairan hama-tan chashm
تا ایک نظر دیکھے تجھے اے مہ تاباں
رہتا ہے سدا مہر درخشاں ہمہ تن چشم
Ta ek nazar dekhe tujhe ai mah-e-taban
Rahta hai sada mehr-e-darakhshan hama-tan chashm
آنکھوں کو ملے تاکہ ترے پاؤں کے نیچے
ہر نقش قدم سے ہے بیاباں ہمہ تن چشم
Aankhon ko male taki tire paon ke niche
Har naqsh-e-qadam se hai bayaban hama-tan chashm
دیوانگی میری کے تحیر میں شب و روز
ہے حلقۂ زنجیر سے زنداں ہمہ تن چشم
Diwangi meri ke tahayyur mein shab-o-roz
Hai halqa-e-zanjir se zindan hama-tan chashm
اس آئینہ رو کے ہے تصور میں نظیرؔ اب
حیرت زدہ نظارہ پریشاں ہمہ تن چشم
Is aaina-ru ke hai tasavvur mein Nazir ab
Hairat-zada nazzara pareshan hama-tan chashm
