ہوا خورشید کے دیکھے سے دونا اضطراب اپنا
کہ یہ نکلا سحر کو اور نہ نکلا آفتاب اپنا
Hua khurshid ke dekhe se duna iztirab apna
Ki ye nikla sahar ko aur na nikla aaftab apna
ترے منہ کے جو ہر دم روبرو آنے کو کہتا ہے
ذرا آئینہ لے کر منہ تو دیکھے آفتاب اپنا
Tire munh ke jo har dam ru-ba-ru aane ko kahta hai
Zara aaina le kar munh to dekhe aaftab apna
خفا دیکھا ہے اس کو خواب میں دل سخت مضطر ہے
کھلا دے دیکھیے کیا کیا گل تعبیر خواب اپنا
Khafa dekha hai us ko khwab mein dil sakht muztar hai
Khila de dekhiye kya kya gul tabir-e-khwab apna
سحر آسا عیاں ہوتے ہی لی راہ عدم ہم نے
ہوا آنا بھی اور جانا بھی ایسا کچھ شتاب اپنا
Sahar-asa ayan hote hi li raah-e-adam hum ne
Hua aana bhi aur jana bhi aisa kuchh shitab apna
نظیرؔ اس بحر میں فرصت کم اور عیش و طرب لاکھوں
تو پھر اب حق بہ جانب ہے کرے کیا کیا حساب اپنا
Nazir is bahr mein fursat kam aur aish-o-tarab lakhon
To phir ab haq-ba-janib hai kare kya kya hisab apna
