چتون درست سین بجا باتیں ٹھیک ٹھیک
ناز و ادا کی اس میں ہیں سب باتیں ٹھیک ٹھیک
Chitwan durust sen baja baaten theek theek
Naz-o-ada ki us mein hain sab baaten theek theek
کیا دل کو اچھی لگتی ہیں ان خوش قدوں کی آہ
یہ پیاری پیاری بولیاں یہ گاتیں ٹھیک ٹھیک
Kya dil ko achchhi lagti hain un khush-qadon ki aah
Ye pyari pyari boliyan ye gaaten theek theek
منہ میں طمانچے چھاتی میں گھونسہ کمر میں لات
کیا کیا ہوئیں یہ مجھ پہ عنایاتیں ٹھیک ٹھیک
Munh mein tamanche chhati mein ghunsa kamar mein laat
Kya kya huin ye mujh pe inayaten theek theek
موقع سے بوسہ موقع سے گالی بھی ہم کو دی
کی شوخ نے یہ دونوں مداراتیں ٹھیک ٹھیک
Mauqe se bosa mauqe se gaali bhi hum ko di
Ki shokh ne ye donon madaraten theek theek
جب دوستی میں قول کے پورے ہوں دونوں شخص
ہوتی ہیں پھر تو کیا ہی ملاقاتیں ٹھیک ٹھیک
Jab dosti mein qaul ke pure hon donon shakhs
Hoti hain phir to kya hi mulaqaten theek theek
