تری ابرو و تیغ تیز تو ہم دم ہیں یہ دونوں
ہوئے ہیں دل جگر بھی سامنے رستم ہیں یہ دونوں
Teri abru-o-tegh-e-tez to hamdam hain ye donon
Hue hain dil jigar bhi saamne Rustam hain ye donon
نہ کچھ کاغذ میں ہے تانے قلم کو درد نالوں کا
لکھوں کیا عشق کے حالات نامحرم ہیں یہ دونوں
Na kuchh kaghaz mein hai taane qalam ko dard nalon ka
Likhoon kya ishq ke halaat na-mahram hain ye donon
لہو آنکھوں سے بہتے وقت رکھ لیتا ہوں ہاتھوں کو
جراحت ہیں اگر وے دونوں تو مرہم ہیں یہ دونوں
Lahu aankhon se bahte waqt rakh leta hoon haathon ko
Jarahat hain agar we donon to marham hain ye donon
کسو چشمے پہ دریا کے دیا اوپر نظر رکھیے
ہمارے دیدۂ نم دیدہ کیا کچھ کم ہیں یہ دونوں
Kisu chashme pe darya ke diya oopar nazar rakhiye
Hamare dida-e-nam-dida kya kuchh kam hain ye donon
لب جاں بخش اس کے مار ہی رکھتے ہیں عاشق کو
اگرچہ آب حیواں ہیں و لیکن سم ہیں یہ دونوں
Lab-e-jaan-bakhsh us ke maar hi rakhte hain aashiq ko
Agarche aab-e-haiwan hain wa-lekin samm hain ye donon
نہیں ابرو ہی مائل جھک رہی ہے تیغ بھی ادھر
ہمارے کشت و خوں میں متفق باہم ہیں یہ دونوں
Nahin abru hi mail jhuk rahi hai tegh bhi idhar
Hamare kusht-o-khoon mein muttafiq baham hain ye donon
کھلے سینے کے داغوں پر ٹھہر رہتے ہیں کچھ آنسو
چمن میں مہر ورزی کے گل و شبنم ہیں یہ دونوں
Khule seene ke daaghon par thahar rahte hain kuchh aansu
Chaman mein mehr-varzi ke gul-o-shabnam hain ye donon
کبھو دل رکنے لگتا ہے جگر گاہے تڑپتا ہے
غم ہجراں میں چھاتی کے ہماری جم ہیں یہ دونوں
Kabhu dil rukne lagta hai jigar gaahe tadapta hai
Gham-e-hijran mein chhati ke hamari jam hain ye donon
