شہر سے یار سوار ہوا جو سواد میں خوب غبار ہے آج
دشتی وحش و طیر اس کے سر تیزی ہی میں شکار ہے آج
Shahr se yaar sawar hua jo sawad mein khoob ghubar hai aaj
Dashti wahsh-o-tair us ke sar tezi hi mein shikar hai aaj
بر افروختہ رخ ہے اس کا کس خوبی سے مستی میں
پی کے شراب شگفتہ ہوا ہے اس نو گل پہ بہار ہے آج
Bar-afrokhta rukh hai us ka kis khoobi se masti mein
Pee ke sharab shagufta hua hai us nau-gul pe bahar hai aaj
اس کا بحر حسن سراسر اوج و موج و تلاطم ہے
شوق کی اپنے نگاہ جہاں تک جاوے بوس و کنار ہے آج
Us ka bahr-e-husn sarasar auj-o-mauj-o-talatum hai
Shauq ki apne nigah jahan tak jaawe bos-o-kinar hai aaj
آنکھیں اس کی لال ہوئیں ہیں اور چلے جاتے ہیں سر
رات کو دارو پی سویا تھا اس کا صبح خمار ہے آج
Aankhen us ki laal hui hain aur chale jaate hain sar
Raat ko daaru pee soya tha us ka subh khumar hai aaj
گھر آئے ہو فقیروں کے تو آؤ بیٹھو لطف کرو
کیا ہے جان بن اپنے کنے سو ان قدموں پہ نثار ہے آج
Ghar aaye ho faqiron ke to aao baitho lutf karo
Kya hai jaan bin apne kane so un qadmon pe nisar hai aaj
کیا پوچھو ہو سانجھ تلک پہلو میں کیا کیا تڑپا ہے
کل کی نسبت دل کو ہمارے بارے کچھ تو قرار ہے آج
Kya poochho ho saanjh talak pahlu mein kya kya tadpa hai
Kal ki nisbat dil ko hamare baare kuchh to qarar hai aaj
خوب جو آنکھیں کھول کے دیکھا شاخ گل سا نظر آیا
ان رنگوں پھولوں میں ملا کچھ محو جلوۂ یار ہے آج
Khoob jo aankhen khol ke dekha shakh-e-gul sa nazar aaya
In rangon phoolon mein mila kuchh mahv-e-jalwa-e-yaar hai aaj
جذب عشق جدھر چاہے لے جائے ہے محمل لیلیٰ کا
یعنی ہاتھ میں مجنوں کے ناقے کی اس کے مہار ہے آج
Jazb-e-ishq jidhar chahe le jaaye hai mahmil Laila ka
Yaani haath mein Majnun ke naaqe ki us ke mahar hai aaj
رات کا پہنا ہار جو اب تک دن کو اتارا ان نے نہیں
شاید میرؔ جمال گل بھی اس کے گلے کا ہار ہے آج
Raat ka pahna haar jo ab tak din ko utara un ne nahin
Shayad Mir jamal-e-gul bhi us ke gale ka haar hai aaj
