ترے عشق میں آگے سودا ہوا تھا
پر اتنا بھی ظالم نہ رسوا ہوا تھا
tere ishq mein aage sauda hua tha
par itna bhi zaalim na ruswa hua tha
خزاں التفات اس پہ کرتی بجا تھی
یہ غنچہ چمن میں ابھی وا ہوا تھا
khizaan iltifaat is pe karti baja thi
ye ghuncha chaman mein abhi wa hua tha
کہاں تھا تو اس طور آنے سے میرے
گلی میں تری کل تماشا ہوا تھا
kahaan tha tu is taur aane se mere
gali mein tiri kal tamaasha hua tha
گئی ہوتی سر آبلوں کے پہ ہوئی خیر
بڑا قضیہ خاروں سے برپا ہوا تھا
gai hoti sar aablon ke pa hui khair
bada qaziya khaaron se barpa hua tha
زہے طالع اے میرؔ ان نے یہ پوچھا
کہاں تھا تو اب تک تجھے کیا ہوا تھا
zahe taale ai Mir un ne ye poochha
kahaan tha tu ab tak tujhe kya hua tha
