دامان کوہ میں جو میں ڈاڑھ مار رویا
اک ابر واں سے اٹھ کر بے اختیار رویا
daaman-e-koh mein jo main dhaadh maar roya
ik abr waan se uth kar be-ikhtiyaar roya
پڑتا نہ تھا بھروسا عہد وفاے گل پر
مرغ چمن نہ سمجھا میں تو ہزار رویا
padta na tha bharosa ahd-e-wafaa-e-gul par
murgh-e-chaman na samjha main to hazaar roya
ہر گل زمین یاں کی رونے ہی کی جگہ تھی
مانند ابر ہر جا میں زار زار رویا
har gul-zameen yaan ki rone hi ki jagah thi
maanind-e-abr har ja main zaar zaar roya
تھی مصلحت کہ رک کر ہجراں میں جان دیجے
دل کھول کر نہ غم میں میں ایک بار رویا
thi maslahat ki ruk kar hijraan mein jaan dije
dil khol kar na gham mein main ek baar roya
اک عجز عشق اس کا اسباب صد الم تھا
کل میرؔ سے بہت میں ہو کر دو چار رویا
ik ajz-e-ishq us ka asbaab-e-sad-alam tha
kal Mir se bahut main ho kar do-chaar roya
