طاقت نہیں ہے دل میں نے جی بجا رہا ہے
کیا ناز کر رہے ہو اب ہم میں کیا رہا ہے
taaqat nahin hai dil mein ne ji baja raha hai
kya naaz kar rahe ho ab hum mein kya raha hai
جیب اور آستیں سے رونے کا کام گزرا
سارا نچوڑ اب تو دامن پر آ رہا ہے
jeb aur aasteen se rone ka kaam guzra
saara nichod ab to daaman par aa raha hai
اب چیت گر نہیں کچھ تازہ ہوا ہوں بیکل
آیا ہوں جب بہ خود میں جی اس میں جا رہا ہے
ab cheet gar nahin kuchh taaza hua hoon bekal
aaya hoon jab ba-khud main ji us mein ja raha hai
کاہے کا پاس اب تو رسوائی دور پہنچی
راز محبت اپنا کس سے چھپا رہا ہے
kaahe ka paas ab to ruswaai door pahunchi
raaz-e-mohabbat apna kis se chhupa raha hai
دیکھ اس دہن کو ہر دم اے آرسی کہ یوں ہی
خوبی کا در کسو کے منہ پر بھی وا رہا ہے
dekh is dahan ko har dam ai aarsi ki yun hi
khoobi ka dar kisu ke munh par bhi wa raha hai
وے لطف کی نگاہیں پہلے فریب ہیں سب
کس سے وہ بے مروت پھر آشنا رہا ہے
we lutf ki nigaahen pahle fareb hain sab
kis se wo be-murawwat phir aashna raha hai
اتنا خزاں کرے ہے کب زرد رنگ پر یاں
تو بھی کسو نگہ سے اے گل جدا رہا ہے
itna khizaan kare hai kab zard rang par yaan
tu bhi kisu nigah se ai gul juda raha hai
رہتے ہیں داغ اکثر نان و نمک کی خاطر
جینے کا اس سمیں میں اب کیا مزہ رہا ہے
rahte hain daagh aksar naan-o-namak ki khaatir
jeene ka is samen mein ab kya maza raha hai
اب چاہتا نہیں ہے بوسہ جو تیرے لب سے
جینے سے میرؔ شاید کچھ دل اٹھا رہا ہے
ab chaahta nahin hai bosa jo tere lab se
jeene se Mir shaayad kuchh dil utha raha hai
