کیا کہیے کہ خوباں نے اب ہم میں ہے کیا رکھا
ان چشم سیاہوں نے بہتوں کو سلا رکھا
kya kahiye ki khooban ne ab hum mein hai kya rakha
in chashm-siyaahon ne bahuton ko sula rakha
جلوہ ہے اسی کا سب گلشن میں زمانے کے
گل پھول کو ہے ان نے پردہ سا بنا رکھا
jalwa hai usi ka sab gulshan mein zamaane ke
gul phool ko hai un ne parda sa bana rakha
جوں برگ خزاں دیدہ سب زرد ہوئے ہم تو
گرمی نے ہمیں دل کی آخر کو جلا رکھا
jun barg-e-khizaan-deeda sab zard hue hum to
garmi ne hamein dil ki aakhir ko jala rakha
کہیے جو تمیز اس کو کچھ اچھے برے کی ہو
دل جس کسو کا پایا چٹ ان نے اڑا رکھا
kahiye jo tameez us ko kuchh achchhe bure ki ho
dil jis kisu ka paaya chat un ne uda rakha
تھی مسلک الفت کی مشہور خطرناکی
میں دیدہ و دانستہ کس راہ میں پا رکھا
thi maslak-e-ulfat ki mashhoor khatarnaaki
main deeda-o-daanista kis raah mein paa rakha
خورشید و قمر پیارے رہتے ہیں چھپے کوئی
رخساروں کو گو تو نے برقع سے چھپا رکھا
khursheed-o-qamar pyaare rahte hain chhupe koi
rukhsaaron ko go tu ne burqe se chhupa rakha
چشمک ہی نہیں تازی شیوے یہ اسی کے ہیں
جھمکی سی دکھا دے کر عالم کو لگا رکھا
chashmak hi nahin taazi sheve ye usi ke hain
jhamki si dikha de kar aalam ko laga rakha
لگنے کے لیے دل کے چھڑکا تھا نمک میں نے
سو چھاتی کے زخموں نے کل دیر مزہ رکھا
lagne ke liye dil ke chhidka tha namak main ne
so chhaati ke zakhmon ne kal der maza rakha
کشتے کو اس ابرو کے کیا میل ہو ہستی کی
میں طاق بلند اوپر جینے کو اٹھا رکھا
kushte ko us abroo ke kya mail ho hasti ki
main taaq-e-buland oopar jeene ko utha rakha
قطعی ہے دلیل اے میرؔ اس تیغ کی بے آبی
رحم ان نے مرے حق میں مطلق نہ روا رکھا
qat'i hai daleel ai Mir us tegh ki be-aabi
rahm un ne mire haq mein mutlaq na rawa rakha
