شاید اس سادہ نے رکھا ہے خط
کہ ہمیں متصل لکھا ہے خط
shayad us saada ne rakha hai khat
ki hamen muttasil likha hai khat
شوق سے بات بڑھ گئی تھی بہت
دفتر اس کو لکھیں ہیں کیا ہے خط
shauq se baat badh gai thi bahut
daftar us ko likhen hain kya hai khat
نامہ کب یار نے پڑھا سارا
نہ کہا یہ بھی آشنا ہے خط
nama kab yaar ne padha saara
na kaha ye bhi aashna hai khat
ساتھ ہم بھی گئے ہیں دور تلک
جب ادھر کے تئیں چلا ہے خط
saath ham bhi gaye hain duur talak
jab udhar ke tain chala hai khat
کچھ خلل راہ میں ہوا اے میرؔ
نامہ بر کب سے لے گیا ہے خط
kuchh khalal raah mein hua ai 'Mir'
nama-bar kab se le gaya hai khat
