شب شمع پر پتنگ کے آنے کو عشق ہے
اس دل جلے کے تاب کے لانے کو عشق ہے
shab sham'a par patang ke aane ko ishq hai
us dil-jale ke taab ke laane ko ishq hai
سر مار مار سنگ سے مردانہ جی دیا
فرہاد کے جہان سے جانے کو عشق ہے
sar maar maar sang se mardana ji diya
Farhad ke jahan se jaane ko ishq hai
اٹھیو سمجھ کے جا سے کہ مانند گرد باد
آوارگی سے تیری زمانے کو عشق ہے
uthiyo samajh ke ja se ki maanind-e-gard-baad
aavaargi se teri zamane ko ishq hai
بس اے سپہر سعی سے تیری تو روز و شب
یاں غم ستانے کو ہے جلانے کو عشق ہے
bas ae sipehr sa'i se teri to roz-o-shab
yaan gham sataane ko hai jalaane ko ishq hai
بیٹھی جو تیغ یار تو سب تجھ کو کھا گئی
اے سینے تیرے زخم اٹھانے کو عشق ہے
baithi jo tegh-e-yaar to sab tujh ko kha gai
ae seene tere zakhm uthaane ko ishq hai
اک دم میں تو نے پھونک دیا دو جہاں کے تیں
اے عشق تیرے آگ لگانے کو عشق ہے
ik dam mein tu ne phoonk diya do jahan ke tain
ae ishq tere aag lagaane ko ishq hai
سودا ہو تب ہو میرؔ کو تو کریے کچھ علاج
اس تیرے دیکھنے کے دوانے کو عشق ہے
sauda ho tab ho Mir ko to kariye kuchh ilaaj
is tere dekhne ke divane ko ishq hai
