سینہ ہے چاک جگر پارہ ہے دل سب خوں ہے
تس پہ یہ جان بہ لب آمدہ بھی محزوں ہے
Seena hai chaak jigar paara hai dil sab khoon hai
Tis pe ye jaan ba-lab aamada bhi mahzoon hai
اس سے آنکھوں کو ملا جی میں رہے کیوں کر تاب
چشم اعجاز مژہ سحر نگہ افسوں ہے
Us se aankhon ko mila ji mein rahe kyun kar taab
Chashm ejaz mizha sehr nigah afsoon hai
آہ یہ رسم وفا ہووے بر افتاد کہیں
اس ستم پر بھی مرا دل اسی کا ممنوں ہے
Aah ye rasm-e-wafa hove bar-uftaad kahin
Is sitam par bhi mira dil usi ka mamnoon hai
کبھو اس دشت سے اٹھتا ہے جو ایک ابر تنک
گرد نمناک پریشاں شدۂ مجنوں ہے
Kabhu is dasht se uthta hai jo ek abr-e-tunuk
Gard-e-namnaak-e-pareshan-shuda-e-Majnoon hai
کیونکے بے بادہ لب جو پہ چمن میں رہیے
عکس گل آب میں تکلیف مئے گلگوں ہے
Kyunke be-baada lab-e-ju pe chaman mein rahiye
Aks-e-gul aab mein taklif-e-mai-e-gulgoon hai
پار بھی ہو نہ کلیجے کے تو پھر کیا بلبل
مصرع نالہ جگر کاوی ہے گو موزوں ہے
Paar bhi ho na kaleje ke to phir kya bulbul
Misra-e-naala jigar-kaavi hai go mauzoon hai
میرؔ کی بات پہ ہر وقت یہ جھنجھلایا نہ کر
سڑی ہے خبطی ہے وہ شیفتہ ہے مجنوں ہے
Mir ki baat pe har waqt ye jhunjhlaya na kar
Sadi hai khabti hai vo shefta hai Majnoon hai
