سیر کے قابل ہے دل صد پارہ اس نخچیر کا
جس کے ہر ٹکڑے میں ہو پیوست پیکاں تیر کا
Sair ke qabil hai dil-e-sad-para us nakhchir ka
Jis ke har tukde mein ho paiwast paikan teer ka
سب کھلا باغ جہاں الا یہ حیران و خفا
جس کو دل سمجھے تھے ہم سو غنچہ تھا تصویر کا
Sab khila bagh-e-jahan illa ye hairan-o-khafa
Jis ko dil samjhe the hum so ghuncha tha tasveer ka
بوئے خوں سے جی رکا جاتا ہے اے باد بہار
ہو گیا ہے چاک دل شاید کسو دلگیر کا
Bu-e-khoon se ji ruka jaata hai ae baad-e-bahar
Ho gaya hai chaak dil shayad kisu dilgeer ka
رہ گزر سیل حوادث کا ہے بے بنیاد دہر
اس خرابے میں نہ کرنا قصد تم تعمیر کا
Rahguzar sail-e-hawadis ka hai be-buniyad dahr
Is kharabe mein na karna qasd tum tameer ka
بس طبیب اٹھ جا مری بالیں سے مت دے درد سر
کام یاں آخر ہوا اب فائدہ تدبیر کا
Bas tabeeb uth ja meri baleen se mat de dard-e-sar
Kaam yaan aakhir hua ab faida tadbeer ka
نالہ کش ہیں عہد پیری میں بھی تیرے در پہ ہم
قد خم گشتہ ہمارا حلقہ ہے زنجیر کا
Nala-kash hain ahd-e-peeri mein bhi tere dar pe hum
Qad-e-kham-gashta hamara halqa hai zanjeer ka
جو ترے کوچے میں آیا پھر وہیں گاڑا اسے
تشنۂ خوں میں تو ہوں اس خاک دامن گیر کا
Jo tere kooche mein aaya phir wahin gaada use
Tishna-e-khoon main to hoon is khaak-e-daaman-geer ka
خون سے میرے ہوئی یک دم خوشی تم کو تو لیک
مفت میں جاتا رہا جی ایک بے تقصیر کا
Khoon se mere hui yak dam khushi tum ko to lek
Muft mein jaata raha ji ek be-taqseer ka
لخت دل سے جوں چھڑی پھولوں کی گوندھی ہے ولے
فائدہ کچھ اے جگر اس آہ بے تاثیر کا
Lakht-e-dil se joon chhadi phoolon ki goondhi hai wale
Faida kuchh ae jigar is aah-e-be-taseer ka
کس طرح سے مانیے یارو کہ یہ عاشق نہیں
رنگ اڑا جاتا ہے ٹک چہرہ تو دیکھو میرؔ کا
Kis tarah se maaniye yaaro ki ye aashiq nahin
Rang uda jaata hai tuk chehra to dekho Mir ka
