جب جنوں سے ہمیں توسل تھا
اپنی زنجیر پا ہی کا غل تھا
Jab junoon se hamen tawassul tha
Apni zanjeer-e-pa hi ka ghul tha
یک نگہ کو وفا نہ کی گویا
موسم گل صفیر بلبل تھا
Yak nigah ko wafa na ki goya
Mausam-e-gul safeer-e-bulbul tha
ان نے پہچان کر ہمیں مارا
منہ نہ کرنا ادھر تجاہل تھا
Un ne pehchan kar hamen mara
Munh na karna idhar tajahul tha
شہر میں جو نظر پڑا اس کا
کشتۂ ناز یا تغافل تھا
Shehar mein jo nazar pada us ka
Kushta-e-naaz ya taghaful tha
اب تو دل کو نہ تاب ہے نہ قرار
یاد ایام جب تحمل تھا
Ab to dil ko na taab hai na qarar
Yaad-e-ayyam jab tahammul tha
جا پھنسا دام زلف میں آخر
دل نہایت ہی بے تامل تھا
Ja phansa daam-e-zulf mein aakhir
Dil nihayat hi be-taammul tha
یوں گئی قد کے خم ہوئے جیسے
عمر اک رہرو سر پل تھا
Yun gai qad ke kham hue jaise
Umr ik rahrau-e-sar-e-pul tha
خوب دریافت جو کیا ہم نے
وقت خوش میرؔ نکہت گل تھا
Khoob daryaft jo kiya hum ne
Waqt-e-khush Mir nikhat-e-gul tha
