رنج کھینچے تھے داغ کھائے تھے
دل نے صدمے بڑے اٹھائے تھے
ranj khenche the daagh khaaye the
dil ne sadme bade uthaaye the
پاس ناموس عشق تھا ورنہ
کتنے آنسو پلک تک آئے تھے
paas-e-namoos-e-ishq tha varna
kitne aansu palak tak aaye the
وہی سمجھا نہ ورنہ ہم نے تو
زخم چھاتی کے سب دکھائے تھے
vahi samjha na varna hum ne to
zakhm chhaati ke sab dikhaaye the
اب جہاں آفتاب میں ہم ہیں
یاں کبھو سرو و گل کے سائے تھے
ab jahan aaftab mein hum hain
yaan kabhu sarv-o-gul ke saaye the
کچھ نہ سمجھے کہ تجھ سے یاروں نے
کس توقع پہ دل لگائے تھے
kuchh na samjhe ki tujh se yaaron ne
kis tavaqqo pe dil lagaaye the
فرصت زندگی سے مت پوچھو
سانس بھی ہم نہ لینے پائے تھے
fursat-e-zindagi se mat poochho
saans bhi hum na lene paaye the
میرؔ صاحب رلا گئے سب کو
کل وے تشریف یاں بھی لائے تھے
Mir sahib rula gaye sab ko
kal ve tashreef yaan bhi laaye the
