پتا پتا بوٹا بوٹا حال ہمارا جانے ہے
جانے نہ جانے گل ہی نہ جانے باغ تو سارا جانے ہے
Patta patta buta buta haal hamara jaane hai
Jaane na jaane gul hi na jaane bagh to sara jaane hai
عاشق سا تو سادہ کوئی اور نہ ہوگا دنیا میں
جی کے زیاں کو عشق میں اس کے اپنا وارا جانے ہے
Aashiq sa to sada koi aur na hoga duniya mein
Ji ke ziyan ko ishq mein us ke apna wara jaane hai
چارہ گری بیماریِ دل کی رسمِ شہرِ حسن نہیں
ورنہ دلبر ناداں بھی اس درد کا چارہ جانے ہے
Chara-gari bimari-e-dil ki rasm-e-shahr-e-husn nahin
Warna dilbar-e-nadan bhi is dard ka chara jaane hai
مہر و وفا و لطف و عنایت ایک سے واقف ان میں نہیں
اور تو سب کچھ طنز و کنایہ رمز و اشارہ جانے ہے
Mehr o wafa o lutf o inayat ek se waqif un mein nahin
Aur to sab kuchh tanz o kinaya ramz o ishara jaane hai
تشنۂ خوں ہے اپنا کتنا میرؔ بھی ناداں تلخی کش
دم دار آبِ تیغ کو اس کے آبِ گوارا جانے ہے
Tishna-e-khun hai apna kitna Mir bhi nadan talkhi-kash
Dumdar aab-e-tegh ko us ke aab-e-gawara jaane hai
