دیکھ تو دل کہ جاں سے اٹھتا ہے
یہ دھواں سا کہاں سے اٹھتا ہے
Dekh to dil ki jaan se uthta hai
Ye dhuan sa kahan se uthta hai
گور کس دل جلے کی ہے یہ فلک
شعلہ اک صبح یاں سے اٹھتا ہے
Gor kis dil-jale ki hai ye falak
Shola ik subh yan se uthta hai
خانۂ دل سے زینہار نہ جا
کوئی ایسے مکاں سے اٹھتا ہے
Khana-e-dil se zinhar na ja
Koi aise makan se uthta hai
نالہ سر کھینچتا ہے جب میرا
شور اک آسماں سے اٹھتا ہے
Nala sar khenchta hai jab mera
Shor ik aasman se uthta hai
لڑتی ہے اس کی چشمِ شوخ جہاں
ایک آشوب واں سے اٹھتا ہے
Ladti hai us ki chashm-e-shokh jahan
Ek aashob wan se uthta hai
سدھ لے گھر کی بھی شعلۂ آواز
دود کچھ آشیاں سے اٹھتا ہے
Sudh le ghar ki bhi shola-e-aawaz
Dud kuchh aashiyan se uthta hai
بیٹھنے کون دے ہے پھر اس کو
جو ترے آستاں سے اٹھتا ہے
Baithne kaun de hai phir us ko
Jo tere aastan se uthta hai
یوں اٹھے آہ اس گلی سے ہم
جیسے کوئی جہاں سے اٹھتا ہے
Yun uthe aah us gali se ham
Jaise koi jahan se uthta hai
