نقاش دیکھ تو میں کیا نقش یار کھینچا
اس شوخ کم نما کا نت انتظار کھینچا
naqqaash dekh to main kya naqsh-e-yaar khencha
us shokh-e-kam-numa ka nit intizaar khencha
رسم قلمرو عشق مت پوچھ کچھ کہ ناحق
ایکوں کی کھال کھینچی ایکوں کو دار کھینچا
rasm-e-qalamrau-e-ishq mat poochh kuchh ki na-haq
ekon ki khaal khenchi ekon ko daar khencha
تھا بد شراب ساقی کتنا کہ رات مے سے
میں نے جو ہاتھ کھینچا ان نے کٹار کھینچا
tha bad-sharaab saaqi kitna ki raat mai se
main ne jo haath khencha un ne kataar khencha
مستی میں شکل ساری نقاش سے کھنچی پر
آنکھوں کو دیکھ اس کی آخر خمار کھینچا
masti mein shakl saari naqqaash se khinchi par
aankhon ko dekh us ki aakhir khumaar khencha
جی کھنچ رہے ہیں اودھر عالم کا ہوگا بلوہ
گر شانے تو نے اس کی زلفوں کا تار کھینچا
ji khinch rahe hain odhar aalam ka hoga balwa
gar shaane tu ne us ki zulfon ka taar khencha
تھا شب کسے کسائے تیغ کشیدہ کف میں
پر میں نے بھی بغل بغل بے اختیار کھینچا
tha shab kase-kasaae tegh-e-kasheeda kaf mein
par main ne bhi baghal baghal be-ikhtiyaar khencha
پھرتا ہے میرؔ تو جو پھاڑے ہوئے گریباں
کس کس ستم زدے نے داماں یار کھینچا
phirta hai Mir tu jo phaade hue garebaan
kis kis sitam-zade ne daamaan-e-yaar khencha
