مجھ سا بیتاب ہووے جب کوئی
بے قراری کو جانے تب کوئی
Mujh sa betaab hove jab koi
Be-qarari ko jaane tab koi
بعد میرے ہی ہو گیا سنسان
سونے پایا تھا ورنہ کب کوئی
Baad mere hi ho gaya sunsan
Sone paaya tha warna kab koi
ایک غم میں ہوں میں ہی عالم میں
یوں تو شاداں ہے اور سب کوئی
Ek gham mein hun main hi aalam mein
Yun to shadan hai aur sab koi
نا سمجھ یوں خفا بھی ہوتا ہے
مجھ سے مخلص سے بے سبب کوئی
Na-samajh yun khafa bhi hota hai
Mujh se mukhlis se be-sabab koi
اور محزوں بھی ہم سنے تھے ولے
میرؔ سا ہو سکے ہے کب کوئی
Aur mahzun bhi hum sune the wale
Mir sa ho sake hai kab koi
کہ تلفظ طرب کا سن کے کہے
شخص ہوگا کہیں طرب کوئی
Ke talaffuz tarab ka sun ke kahe
Shakhs hoga kahin tarab koi
