مثال سایہ محبت میں جال اپنا ہوں
تمہارے ساتھ گرفتار حال اپنا ہوں
Misal-e-saya mohabbat mein jaal apna hoon
Tumhare saath giraftar-e-haal apna hoon
سرشک سرخ کو جاتا ہوں جو پیے ہر دم
لہو کا پیاسا علی الاتصال اپنا ہوں
Sirishk-e-surkh ko jaata hoon jo piye har dam
Lahu ka pyasa ala-al-ittisal apna hoon
اگرچہ نشہ ہوں سب میں خم جہاں میں لیک
برنگ مے عرق انفعال اپنا ہوں
Agarche nasha hoon sab mein khum-e-jahan mein lek
Ba-rang-e-mai araq-e-infi'al apna hoon
مری نمود نے مجھ کو کیا برابر خاک
میں نقش پا کی طرح پائمال اپنا ہوں
Meri numood ne mujh ko kiya barabar-e-khaak
Main naqsh-e-pa ki tarah paemaal apna hoon
ہوئی ہے زندگی دشوار مشکل آساں کر
پھروں چلوں تو ہوں پر میں وبال اپنا ہوں
Hui hai zindagi dushwar mushkil aasan kar
Phiroon chaloon to hoon par main wabal apna hoon
ترا ہے وہم کہ یہ ناتواں ہے جامے میں
وگرنہ میں نہیں اب اک خیال اپنا ہوں
Tera hai wahm ki ye natawan hai jaame mein
Wagarna main nahin ab ik khayal apna hoon
بلا ہوئی ہے مری گو کا طبع روشن میرؔ
ہوں آفتاب ولیکن زوال اپنا ہوں
Bala hui hai meri go ka tab'-e-raushan Mir
Hoon aaftab wa-lekin zawal apna hoon
