دل عشق کا ہمیشہ حریف نبرد تھا
اب جس جگہ کہ داغ ہے یاں آگے درد تھا
Dil ishq ka hamesha harif-e-nabard tha
Ab jis jagah ki daagh hai yaan aage dard tha
اک گرد راہ تھا پئے محمل تمام راہ
کس کا غبار تھا کہ یہ دنبالہ گرد تھا
Ik gard-e-raah tha pa-e-mehmil tamam raah
Kis ka ghubar tha ki ye dumbala-gard tha
دل کی شکستگی نے ڈرائے رکھا ہمیں
واں چیں جبیں پر آئی کہ یاں رنگ زرد تھا
Dil ki shikastagi ne daraaye rakha hamen
Waan cheen jabeen par aai ki yaan rang zard tha
مانند حرف صفحۂ ہستی سے اٹھ گیا
دل بھی مرا جریدۂ عالم میں فرد تھا
Manind-e-harf safha-e-hasti se uth gaya
Dil bhi mera jareeda-e-aalam mein fard tha
تھا پشتہ ریگ باد یہ اک وقت کارواں
یہ گرد باد کوئی بیاباں نورد تھا
Tha pushta-e-reg-e-baad ye ik waqt karwan
Ye gard-baad koi bayaban-nawurd tha
گزری مدام اس کی جوانان مست میں
پیر مغاں بھی طرفہ کوئی پیر مرد تھا
Guzri mudam us ki jawanan-e-mast mein
Pir-e-mughan bhi turfa koi pir-mard tha
عاشق ہیں ہم تو میرؔ کے بھی ضبط عشق کے
دل جل گیا تھا اور نفس لب پہ سرد تھا
Aashiq hain hum to Mir ke bhi zabt-e-ishq ke
Dil jal gaya tha aur nafas lab pe sard tha
