کیا کروں شرح خستہ جانی کی
میں نے مر مر کے زندگانی کی
kya karun sharh khasta-jaani ki
main ne mar mar ke zindagaani ki
حال بد گفتنی نہیں میرا
تم نے پوچھا تو مہربانی کی
haal-e-bad guftani nahin mera
tum ne poochha to mehrbaani ki
سب کو جانا ہے یوں تو پر اے صبر
آتی ہے اک تری جوانی کی
sab ko jaana hai yun to par ae sabr
aati hai ik teri javani ki
تشنہ لب مر گئے ترے عاشق
نہ ملی ایک بوند پانی کی
tishna-lab mar gaye tere aashiq
na mili ek boond paani ki
بیت بحثی سمجھ کے کر بلبل
دھوم ہے میری خوش زبانی کی
bait-bahsi samajh ke kar bulbul
dhoom hai meri khush-zabani ki
جس سے کھوئی تھی نیند میرؔ نے کل
ابتدا پھر وہی کہانی کی
jis se khoi thi neend Mir ne kal
ibtida phir vahi kahani ki
