کیا کہوں کیسا ستم غفلت سے مجھ پر ہو گیا
قافلہ جاتا رہا میں صبح ہوتے سو گیا
kya kahun kaisa sitam ghaflat se mujh par ho gaya
qaafila jaata raha main subh hote so gaya
بے کسی مدت تلک برسا کی اپنی گور پر
جو ہماری خاک پر سے ہو کے گزرا رو گیا
be-kasi muddat talak barsa ki apni gor par
jo hamari khaak par se ho ke guzra ro gaya
کچھ خطرناکی طریق عشق میں پنہاں نہیں
کھپ گیا وہ راہرو اس راہ ہو کر جو گیا
kuchh khatarnaaki tareeq-e-ishq mein pinhaan nahin
khap gaya vo rahrau is raah ho kar jo gaya
مدعا جو ہے سو وہ پایا نہیں جاتا کہیں
ایک عالم جستجو میں جی کو اپنے کھو گیا
mudda'a jo hai so vo paaya nahin jaata kahin
ek aalam justuju mein ji ko apne kho gaya
میرؔ ہر یک موج میں ہے زلف ہی کا سا دماغ
جب سے وہ دریا پہ آ کر بال اپنے دھو گیا
Mir har yak mauj mein hai zulf hi ka sa dimagh
jab se vo darya pe aa kar baal apne dho gaya
