کیا بلبل اسیر ہے بے بال و پر کہ ہم
گل کب رکھے ہے ٹکڑے جگر اس قدر کہ ہم
kya bulbul aseer hai be-baal-o-par ki ham
gul kab rakhe hai tukde jigar is qadar ki ham
خورشید صبح نکلے ہے اس نور سے کہ تو
شبنم گرہ میں رکھتی ہے یہ چشم تر کہ ہم
khursheed subh nikle hai is noor se ki tu
shabnam girah mein rakhti hai ye chashm-e-tar ki ham
جیتے ہیں تو دکھا دیں گے دعواے عندلیب
گل بن خزاں میں اب کے وہ رہتی ہے مر کہ ہم
jeete hain to dikha denge daava-e-andaleeb
gul bin khizaan mein ab ke wo rahti hai mar ki ham
یہ تیغ ہے یہ طشت ہے یہ ہم ہیں کشتنی
کھیلے ہے کون ایسی طرح جان پر کہ ہم
ye tegh hai ye tasht hai ye ham hain kushtani
khele hai kaun aisi tarah jaan par ki ham
تلواریں تم لگاتے ہو ہم ہیں گے دم بخود
دنیا میں یہ کرے ہے کوئی درگزر کہ ہم
talwaaren tum lagaate ho ham hain ge dam-ba-khud
duniya mein ye kare hai koi darguzar ki ham
اس جستجو میں اور خرابی تو کیا کہیں
اتنی نہیں ہوئی ہے صبا در بہ در کہ ہم
is justuju mein aur kharaabi to kya kahen
itni nahin hui hai saba dar-ba-dar ki ham
جب جا پھنسا کہیں تو ہمیں یاں ہوئی خبر
رکھتا ہے کون دل تری اتنی خبر کہ ہم
jab ja phansa kaheen to hamen yaan hui khabar
rakhta hai kaun dil tiri itni khabar ki ham
جیتے ہیں اور روتے ہیں لخت جگر ہے میرؔ
کرتے سنا ہے یوں کوئی قیمہ جگر کہ ہم
jeete hain aur rote hain lakht-e-jigar hai 'Mir'
karte suna hai yun koi qeema jigar ki ham
