خوب تھے وے دن کہ ہم تیرے گرفتاروں میں تھے
غم زدوں اندوہ گینوں ظلم کے ماروں میں تھے
khoob the we din ki hum tere giraftaaron mein the
gham-zadon andoh-geenon zulm ke maaron mein the
دشمنی جانی ہے اب تو ہم سے غیروں کے لیے
اک سماں سا ہو گیا وہ بھی کہ ہم یاروں میں تھے
dushmani jaani hai ab to hum se ghairon ke liye
ik samaan sa ho gaya wo bhi ki hum yaaron mein the
مت تبختر سے گزر قمری ہماری خاک پر
ہم بھی اک سرو رواں کے ناز برداروں میں تھے
mat tabakhtur se guzar qumri hamaari khaak par
hum bhi ik sarv-e-rawaan ke naaz-bardaaron mein the
مر گئے لیکن نہ دیکھا تو نے اودھر آنکھ اٹھا
آہ کیا کیا لوگ ظالم تیرے بیماروں میں تھے
mar gaye lekin na dekha tu ne odhar aankh utha
aah kya kya log zaalim tere beemaaron mein the
اک رہا مژگاں کی صف میں ایک کے ٹکڑے ہوئے
دل جگر جو میرؔ دونوں اپنے غم خواروں میں تھے
ik raha mizhgaan ki saf mein ek ke tukde hue
dil jigar jo Mir donon apne gham-khwaaron mein the
