کثرت داغ سے دل رشک گلستاں نہ ہوا
میرا دل خواہ جو کچھ تھا وہ کبھو یاں نہ ہوا
kasrat-e-daagh se dil rashk-e-gulistaan na hua
mera dil-khwaah jo kuchh tha wo kabhu yaan na hua
جی تو ایسے کئی صدقے کیے تجھ پر لیکن
حیف یہ ہے کہ تنک تو بھی پشیماں نہ ہوا
ji to aise kai sadqe kiye tujh par lekin
haif ye hai ki tanik tu bhi pashemaan na hua
گو توجہ سے زمانے کی جہاں میں مجھ کو
جاہ و ثروت کا میسر سر و ساماں نہ ہوا
go tavajjoh se zamaane ki jahaan mein mujh ko
jaah-o-sarwat ka muyassar sar-o-saamaan na hua
شکر صد شکر کہ میں ذلت و خواری کے سبب
کسی عنوان میں ہم چشم عزیزاں نہ ہوا
shukr sad shukr ki main zillat-o-khwaari ke sabab
kisi unwaan mein ham-chashm-e-azeezaan na hua
کون سی رات زمانے میں گئی جس میں میرؔ
سینۂ چاک سے میں دست و گریباں نہ ہوا
kaun si raat zamaane mein gai jis mein 'Mir'
seena-e-chaak se main dast-o-girebaan na hua
