کیسا چمن اسیری میں کس کو ادھر خیال
پرواز خواب ہو گئی ہے بال و پر خیال
Kaisa chaman aseeri mein kis ko idhar khayal
Parwaz khwab ho gayi hai baal-o-par khayal
مشکل ہے مٹ گئے ہوئے نقشوں کی پھر نمود
جو صورتیں بگڑ گئیں ان کا نہ کر خیال
Mushkil hai mit gaye hue naqshon ki phir namood
Jo sooraten bigar gayin un ka na kar khayal
مو کو عبث ہے تاب کلی یوں ہی تنگ ہے
اس کا دہن ہے وہم و گمان و کمر خیال
Mu ko abas hai taab kali yun hi tang hai
Us ka dahan hai wahm-o-guman-o-kamar khayal
رخسار پر ہمارے ڈھلکنے کو اشک کے
دیکھے ہے جو کوئی سو کرے ہے گہر خیال
Rukhsar par hamare dhalakne ko ashk ke
Dekhe hai jo koi so kare hai guhar khayal
کس کو دماغ شعر و سخن ضعف میں کہ میرؔ
اپنا رہے ہے اب تو ہمیں بیشتر خیال
Kis ko dimagh-e-sher-o-sukhan za'f mein ke Mir
Apna rahe hai ab to hamen beshtar khayal
