دل صاف ہو تو جلوہ گہہ یار کیوں نہ ہو
آئینہ ہو تو قابل دیدار کیوں نہ ہو
dil saaf ho to jalwa-gah-e-yaar kyun na ho
aaina ho to qaabil-e-deedaar kyun na ho
عالم تمام اس کا گرفتار کیوں نہ ہو
وہ ناز پیشہ ایک ہے عیار کیوں نہ ہو
aalam tamaam us ka giraftaar kyun na ho
wo naaz-pesha ek hai ayyaar kyun na ho
مستغنیانہ تو جو کرے پہلے ہی سلوک
عاشق کو فکر عاقبت کار کیوں نہ ہو
mustaghniyaana tu jo kare pahle hi sulook
aashiq ko fikr-e-aaqibat-e-kaar kyun na ho
دشمن تو اک طرف کہ سبب رشک کا ہے یاں
در کا شگاف و رخنۂ دیوار کیوں نہ ہو
dushman to ik taraf ki sabab rashk ka hai yaan
dar ka shigaaf-o-rakhna-e-deewar kyun na ho
ہر دم کی تازہ مرگ جدائی سے تنگ ہوں
ہونا جو کچھ ہے آہ سو یک بار کیوں نہ ہو
har dam ki taaza marg-e-judaai se tang hoon
hona jo kuchh hai aah so yak-baar kyun na ho
موئے سفید ہم کو کہے ہے کہ غافلاں
اب صبح ہونے آئی ہے بیدار کیوں نہ ہو
moo-e-safed hum ko kahe hai ki ghaafilaan
ab subh hone aai hai bedaar kyun na ho
نزدیک اپنے ہم نے تو سب کر رکھا ہے سہل
پھر میرؔ اس میں مردن دشوار کیوں نہ ہو
nazdeek apne hum ne to sab kar rakha hai sahl
phir Mir is mein murdan dushwaar kyun na ho
