ہمیں آمد میرؔ کل بھا گئی
طرح اس میں مجنوں کی سب پا گئی
hamen aamad-e-Mir kal bha gai
tarah us mein Majnoon ki sab pa gai
کہاں کا غبار آہ دل میں یہ تھا
مری خاک بدلی سی سب چھا گئی
kahaan ka ghubaar aah dil mein ye tha
miri khaak badli si sab chha gai
کیا پاس بلبل خزاں نے نہ کچھ
گل و برگ بے درد پھیلا گئی
kiya paas-e-bulbul khizaan ne na kuchh
gul-o-barg be-dard phaila gai
ہوئی سامنے یوں تو ایک ایک کے
ہمیں سے وہ کچھ آنکھ شرما گئی
hui saamne yun to ek ek ke
hamin se wo kuchh aankh sharma gai
جگر منہ تک آتے نہیں بولتے
غرض ہم بھی کرتے ہیں کیا کیا گئی
jigar munh tak aate nahin bolte
gharaz hum bhi karte hain kya kya gai
نہ ہم رہ کوئی نا کسی سے گیا
مری لاش تا گور تنہا گئی
na ham-rah koi na kisi se gaya
miri laash ta gor tanha gai
گھٹا شمع ساں کیوں نہ جاؤں چلا
طبع غم جگر کو مرے کھا گئی
ghata sham'a saan kyun na jaaoon chala
taba' gham jigar ko mire kha gai
کوئی رہنے والی ہے جان عزیز
گئی گر نہ امروز فردا گئی
koi rahne waali hai jaan-e-azeez
gai gar na imroz farda gai
کیے دست و پا گم جو میرؔ آ گیا
وفا پیشہ مجلس اسے پا گئی
kiye dast-o-pa gum jo Mir aa gaya
wafa-pesha majlis use pa gai
