گئی چھاؤں اس تیغ کی سر سے جب کی
جلے دھوپ میں یاں تلک ہم کہ تب کی
gai chhaaon us tegh ki sar se jab ki
jale dhoop mein yaan talak hum ki tab ki
پڑی خرمن گل پہ بجلی سی آخر
مرے خوش نگہ کی نگاہ اک غضب کی
padi khirman-e-gul pe bijli si aakhir
mire khush-nigah ki nigaah ik ghazab ki
کوئی بات نکلے ہے دشوار منہ سے
ٹک اک تو بھی تو سن کسی جاں بہ لب کی
koi baat nikle hai dushwaar munh se
tuk ik tu bhi to sun kisi jaan-ba-lab ki
یکایک بھی آ سر پہ واماندگاں کے
بہت دیکھتے ہیں تری راہ کب کی
yakaayak bhi aa sar pe waamaandagaan ke
bahut dekhte hain tiri raah kab ki
دماغ و جگر دل مخالف ہوئے ہیں
ہوئی متفق اب ادھر رائے سب کی
dimaagh-o-jigar dil mukhaalif hue hain
hui muttafiq ab idhar raae sab ki
تجھے کیونکے ڈھونڈوں کہ سوتے ہی گزری
تری راہ میں اپنے پیے طلب کی
tujhe kyunke dhoondoon ki sote hi guzri
tiri raah mein apne paye talab ki
عجب کچھ ہے گر میرؔ آوے میسر
گلابی شراب اور غزل اپنے ڈھب کی
ajab kuchh hai gar Mir aawe muyassar
gulaabi sharaab aur ghazal apne dhab ki
