دل کے تیں آتش ہجراں سے بچایا نہ گیا
گھر جلا سامنے پر ہم سے بجھایا نہ گیا
dil ke tain aatish-e-hijraan se bachaaya na gaya
ghar jala saamne par hum se bujhaaya na gaya
دل میں رہ دل میں کہ معمار قضا سے اب تک
ایسا مطبوع مکاں کوئی بنایا نہ گیا
dil mein rah dil mein ki me'maar-e-qaza se ab tak
aisa matboo' makaan koi banaaya na gaya
کبھو عاشق کا ترے جبہے سے ناخن کا خراش
خط تقدیر کے مانند مٹایا نہ گیا
kabhu aashiq ka tire jabhe se naakhun ka kharaash
khatt-e-taqdeer ke maanind mitaaya na gaya
کیا تنک حوصلہ تھے دیدہ و دل اپنے آہ
ایک دم راز محبت کا چھپایا نہ گیا
kya tunuk-hausla the deeda-o-dil apne aah
ek dam raaz-e-mohabbat ka chhupaaya na gaya
دل جو دیدار کا قاتل کے بہت بھوکا تھا
اس ستم کشتہ سے اک زخم بھی کھایا نہ گیا
dil jo deedaar ka qaatil ke bahut bhooka tha
us sitam-kushta se ik zakhm bhi khaaya na gaya
میں تو تھا صید زبوں صید گہ عشق کے بیچ
آپ کو خاک میں بھی خوب ملایا نہ گیا
main to tha said-e-zuboon said-gah-e-ishq ke beech
aap ko khaak mein bhi khoob milaaya na gaya
شہر دل آہ عجب جائے تھی پر اس کے گئے
ایسا اجڑا کہ کسی طرح بسایا نہ گیا
shahr-e-dil aah ajab jaae thi par us ke gaye
aisa ujda ki kisi tarah basaaya na gaya
آج رکتی نہیں خامے کی زباں رکھیے معاف
حرف کا طول بھی جو مجھ سے گھٹایا نہ گیا
aaj rukti nahin khaame ki zabaan rakhiye maaf
harf ka tool bhi jo mujh se ghataaya na gaya
