ڈھونڈا نہ پائیے جو اس وقت میں سو زر ہے
پھر چاہ جس کی مطلق ہے ہی نہیں ہنر ہے
Dhoonda na paaiye jo is waqt mein so zar hai
Phir chaah jis ki mutlaq hai hi nahin hunar hai
ہر دم قدم کو اپنے رکھ احتیاط سے یاں
یہ کار گاہ ساری دکان شیشہ گر ہے
Har dam qadam ko apne rakh ehtiyat se yaan
Ye kaar-gaah saari dukan-e-sheesha-gar hai
صید افگنو ہمارے دل کو جگر کو دیکھو
اک تیر کا ہدف ہے اک تیغ کا سپر ہے
Said-afgano hamare dil ko jigar ko dekho
Ik teer ka hadaf hai ik tegh ka sipar hai
اہل زمانہ رہتے اک طور پر نہیں ہیں
ہر آن مرتبے سے اپنے انہیں سفر ہے
Ahl-e-zamana rahte ik taur par nahin hain
Har aan martabe se apne unhen safar hai
کافی ہے مہر قاتل محضر پہ خوں کے میرے
پھر جس جگہ یہ جاوے اس جا ہی معتبر ہے
Kaafi hai mohr-e-qatil mahzar pe khoon ke mere
Phir jis jagah ye jaave us ja hi mo'tabar hai
تیری گلی سے بچ کر کیوں مہر و مہ نہ نکلیں
ہر کوئی جانتا ہے اس راہ میں خطر ہے
Teri gali se bach kar kyun mehr-o-mah na niklen
Har koi janta hai is raah mein khatar hai
وے دن گئے کہ آنسو روتے تھے میرؔ اب تو
آنکھوں میں لخت دل ہے یا پارۂ جگر ہے
We din gaye ke aansu rote the Mir ab to
Aankhon mein lakht-e-dil hai ya para-e-jigar hai
